Men shu yurtda tug'ilib, ko'rdim olam yuzini, 
Ota-onam bag'rida, yayrab topdim so'zimni, 
Uchratdim jondan aziz, umr dilnavozimni, 
Hurmat izzat-ikromni, ko'rdim hur mamlakatda, 
Elim, yurtim deb yonib, yashayman men albatta. 

Zilol suvlar hirgoyi, go'yo tinchlik navosi, 
O'tmishdagi siymolar, xalqim g'uru ovozi, 
Ko'xna Samarqand, Xiva, bobolarim me'rosi, 
Hurmat izzat-ikromni, ko'rdim hur mamlakatda, 
Elim, yurtim deb yonib, yashayman men albatta. 

Boshimdan zar sochsalar, alishmayman Vatanni, 
Toki ochiq ko'zlarim, asray ona maskanni, 
Sodiq farzanding bo'lib oqlayin ont-qasamni, 
Hurmat-izzat- ikromni, ko'rdim hur mamlakatda, 
Elim, yurtim deb yonib, yashayin men albatta. 

Farzandlarning shodligi shirin hayot mazmuni, 
Ilm-fanlar cho'qqisi, buyuk davlatim shoni, 
O'zbegimning mavqie, yosh avlodning ustuni, 
Hurmat izzat-ikromni, ko'rdim hur mamlakatda, 
Elim yurtim deb yonib, yashaymen men albatta.