Krekerlar yupqa va qarsildoq boʻlib pishadi, bodom unidan tayyorlaniladigani sabab ham umuman semirtirmaydi.
Bunday krekerlarni qanday tayyorlanishi esa videoretseptda batafsil koʻrsatib oʻtilgan.
Tayyorlaniladigan yegulikka taxminan 20 000 soʻm sarf qilinadi.*
*narxi manba chop etilgan vaqtgagina amal qiladi.
Gaz pechini 180 C darajaga yoqib qoʻyamiz.
Kattaroq idishga bodom uni, tuz, murch, sarimsoqpiyoz kukuni va parmezan pishlogʻini solib aralashtirib olamiz.
Ustidan zaytun yogʻini solamiz va sanchiqda aralashtirib olamiz.
Soʻng muzdek suvni solib, xamir qorib olamiz.
Qorilgan xamirni ikkita pergament qogʻoz oʻrtasiga qoʻyib, 3-5 mm qalinlikda yoyib olamiz. Pergament qiz boʻlmasa, xamir yopishib qoladi.
Yoyilgan xamirni xohlagan qolipchalar bilan kesib olamiz va pergament qogʻoz toʻshalgan gaz opechi patnisiga terib chiqiladi. Agarda krekerlar sinib ketsa, unda ularni bir necha daqiqa muzlatgichga solib oling.
Soʻng krekerlarni gaz pechida 7-10 daqiqa bir tarafini, soʻng ularni agʻdarib ikkinchi tomonini ham xuddi shuncha vaqtda pishirib olamiz.