O‘zbekistonda 27 mingdan ortiq kishi karantin qoidalarini buzgani aniqlandi

Сборная Англии разгромила команду Ирана в матче чемпионата мира
O‘zbekistonda koronavirus karantini e’lon qilingan 16-martdan buyon bugungi kunga qadar karantin qoidalariga amal qilmaslik bilan bog‘liq jami 27 486 ta holat aniqlandi.


IIV matbuot xizmati xabariga ko‘ra, eng ko‘p — 4 641 ta qoidabuzarlik Toshkent shahrida qayd etilgan. Toshkent viloyatida esa bunday holatlar soni 2 979 tani tashkil etmoqda. Respublika bo‘yicha aniqlangan qoidabuzarliklar esa quyidagicha:

Farg‘ona viloyatida – 3 223 ta holat;
Samarqand viloyatida – 2 691 ta holat;
Qashqadaryo viloyatida – 2 314 ta holat;
Namangan viloyatida – 1 872 ta holat;
Sirdaryo viloyatida – 1 650 ta holat;
Andijon viloyatida – 1 570 ta holat;
Jizzax viloyatida – 1 554 ta holat;
Surxondaryo viloyatida – 1 416 ta holat;
Xorazm viloyatida – 1 177 ta holat;
Buxoro viloyatida – 1 162 ta holat;
Navoiy viloyatida – 322 ta holatni.
Qoraqalpog‘iston Respublikasida – 915 ta holatni tashkil etmoqda.
“Karantin qoidalari va sanitariya cheklovlariga rioya qilish yuzasidan tushuntirish ishlari olib borilishiga qaramasdan, hamon qoidabuzarlik holatlari kuzatilmoqda”, – deyiladi vazirlik xabarida.

Eslatib o‘tamiz, koronavirus infeksiyasi tarqalishiga qarshi kurash doirasida Toshkent shahri va bir qator shaharlarga transportning kirish-chiqishi cheklandi, viloyatlararo transport harakati to‘xtatildi. Bundan tashqari, shaxsiy avtomobilda maxsus ruxsatnomasiz harakatlanish taqiqlandi, fuqarolarga zaruratsiz uydan chiqmaslik tavsiya etildi.

Shuningdek, 6-aprel soat 06:00 dan boshlab Toshkent va Nukus shaharlari hamda viloyat markazlarida mototransport (skitersiz) hamda velosipedda harakatlanish karantin davrida vaqtincha cheklanishi e’lon qilindi.
Manba daryo.uz

Izohlar

Ushbu film uchun hali hech qanday izoh yo'q.

Авторизация