Gulnora Karimovaning "zapret"idan keyin Munisa Rizayeva o‘zini o‘ldirishga uringan 432 Просм.

Gulnora Karimovaning "zapret"idan keyin Munisa Rizayeva o‘zini o‘ldirishga uringan


Munisa Rizayeva MyDay stories loyihasiga bergan intervyusida bundan bir necha yil avval Gulnora Karimovaning topshirig‘i bilan «zapret»ga tushgani va bu holat unga qattiq ta’sir ko‘rsatgani haqida so‘zlab berdi. Bu haqda "Daryo" nashri yozmoqda.

«Gulnora Karimovaga men haqimda turli asossiz gap-so‘zlar yetkazishgan. Meni uning nomini sotishda ayblashgan. Masalan, meni yo‘lda YPX xodimlari to‘xtatganida, men ularga ‘Guli Karimovaning dugonasiman’, deb aytganmishman, go‘yo. Bu birinchisi. Bundan tashqari, o‘sha vaqtda unga yaqin bo‘lgan bir guruh ayol xonandalar Karimovaga men haqimdagi bo‘lmag‘ur gaplarni gapirgan. Ularning kimligini juda yaxshi bilaman, hozirgacha ular bilan yaxshi munosabatdaman. Biroq ular mening bu vaziyatdan xabardorligimni bilishmaydi. Men hozirga kelib, ularning nega bunday qilganini tushunyapman. Bu gaplar M&TVA taqdirlash marosimidan bir kun avval bo‘lgan. O‘shanda menga «Yil qo‘shig‘i» va «Yil xonandasi» nominasiyalarida mukofotni berishmoqchi bo‘lishgan. Shuning uchun ushbu ‘intriga’ atayin uyushtirilgan. Gulnora Karimova men haqimdagi gaplarga ishongan va ‘bo‘ldi, unga hech qanday mukofot bermaysizlar. Hamma yoqdan haydaysizlar’ deb ko‘rsatma bergan. Shundan so‘ng meni Terra kompaniyasidan haydashgan. Mening kompaniya bilan besh yillik shartnomam bor edi o‘shanda. Men Sevara Nazarxon bilan ‘Golos’ loyihasida qatnashayotgan edim, Terra’ning direktori menga qo‘ng‘iroq qilib, Guli sening ‘Golos’da qatnashishingni istamayapti, tez  Toshkentga qaytsang qayt, bo‘lmasa, ‘zapret’ga tushasan, dedi. Men ‘Golos’ning hamma saralash bosqichlaridan o‘tgan edim. Shunga qaramay, loyihadagi ishtirokimdan voz kechib, Toshkentga qaytib keldim, lekin baribir ‘zapret’ga tushdim. Yetti oy mendan hamma yuz o‘girdi. Hamma o‘zidan qo‘rqib men bilan gaplashishga qo‘rqardi. O‘zimni xuddi o‘lgandek his etardim. Hatto, yurak xuruji bilan kasalxonaga ham tushib qolganman, ota-onam meni yo‘qotishiga bir bahya qolgan. O‘zimni osib o‘ldirishga ham uringanman», — deydi Munisa Rizayeva.

Ma’lumot uchun, M&TVA musiqa, tele va videomahsulotlar uchun O‘zbekiston milliy mukofoti bo‘lib, u  2005—2012 yillarda qator san’at sohasi, radio va teleboshlovchilar, aktyor va rejissyorlarga topshirilgan. Xonanda Munisa Rizayeva 2012 yilda nomzodlar orasida bo‘lgan.

Manba Aniq.uz

Добавить комментарий

Кликните на изображение чтобы обновить код, если он неразборчив