UEFA o‘z tasarrufidagi barcha musobaqalarni noma’lum muddatga qoldirdi 232 Просм.

UEFA o‘z tasarrufidagi barcha musobaqalarni noma’lum muddatga qoldirdi


UEFA tashkiloti 1-aprel, chorshanba kuni videokonferensiya o‘tkazdi. Unda bir qator qarorlar e’lon qilindi.

Koronavirus sabab 2020-yilning iyuniga qadar mo‘ljallangan barcha o‘yin va musobaqalar noma’lum muddatga qoldirildi. Ular qatoriga Yevro—2020 va ayollar o‘rtasidagi Yevro—2021 saralash bosqichi musobaqalari ham kiradi. Shuningdek, terma jamoalarning o‘rtoqlik o‘yinlari ham qoldirilgan.

May oyida bo‘lib o‘tishi rejalashtirilgan 17 yoshgacha bo‘lgan futbolchilar o‘rtasidagi Yevropa chempionati bekor qilindi. Iyul oyida bo‘lib o‘tishi kerak bo‘lgan U-19 Yevropa chempionati esa noma’lum muddatga qoldirildi.


UEFA videokonferensiyada mintaqaning 55 mamlakati federatsiyalariga ichki chempionatlar oxiriga qadar yetkazib qo‘yilishini ma’lum qildi. Tashkilot kelasi mavsumni qisqarishi evaziga bo‘lsa ham joriy mavsumni yakunlab qo‘ymoqchi. Yana bir variantlardan biri: qolgan oyinlarni muxlislarsiz o‘tkazish.

Shu bilan birga mavsumning davomi qanday bo‘lishini milliy federatsiyalar mustaqil o‘zi belgilaydi. Yagona sharti har bir liga Yevrokuboklarda ishtirok etadigan klub nomlarini ko‘rsatishi va belgilangan vaqtda o‘z qarori haqida ma’lum qilishi kerak.

Добавить комментарий

Кликните на изображение чтобы обновить код, если он неразборчив