Afg‘oniston qamoqxonalarida qancha o‘zbekistonlik terrorchi saqlanayotgani ma’lum bo‘ldi 607 Просм.

Afg‘oniston qamoqxonalarida qancha o‘zbekistonlik terrorchi saqlanayotgani ma’lum bo‘ldi


Afg‘oniston xavfsizlik kuchlarining ta’kidlashicha, Markaziy Osiyodan kelgan 60 dan ortiq jangari mamlakat qamoqxonalarida taqiqlangan "Islomiy davlat" terroristik guruhiga a’zolikda ayblanib saqlanmoqda.


Afg‘oniston rasmiylariga ko‘ra, mamlakat qamoqxonalarida 408 nafar xorijiy ISHID jangarilari bor.

Afg‘oniston Milliy xavfsizlik boshqarmasi rahbari Ahmad Ziyo Siraj 27 aprel kuni Kobulda bo‘lib o‘tgan matbuot anjumanida hibsga olingan ISHID a’zolari orasida 14 mamlakat fuqarolari, shu jumladan 173 ayol va bolalar borligini aytdi.

Unga ko‘ra 299 jangari Pokiston, 37 nafari O‘zbekiston, 13 nafari Tojikiston, 12 nafari Qirg‘iziston, 5 fuqarosi Rossiya Federasiyasi, 16 nafari Xitoy, 5 nafari Iordaniya, 4 nafari Eron, 3 nafari Turkiya, 5 nafari Indoneziya, 4 nafari Hindiston, 2 nafari Bangladesh, 2 nafari Maldiv va 1 nafari Jazoirdan.

Ahmad Ziyo Sirajning so‘zlariga ko‘ra, hozirda afg‘on tomoni ISHIDga a’zolikda ayblanib, ushbu mamlakat qamoqxonalarida bo‘lgan fuqarolari bilan muzokaralar olib bormoqda.
Manba: Aniq.uz

Добавить комментарий

Кликните на изображение чтобы обновить код, если он неразборчив