Irlandiya bosh vaziri pandemiya vaqtida shifokor bo‘lib ishlashga qaror qildi 428 Просм.

Irlandiya bosh vaziri pandemiya vaqtida shifokor bo‘lib ishlashga qaror qildi


Irlandiya bosh vaziri Leo Varadkar mamlakatda koronavirus tarqalishiga qarshi kurash yo‘lida haftasiga bir marotaba Milliy sanitariya xizmatida (HSE) shifokor bo‘lib ishlaydi. Bu haqda irland hukumatining rasmiy vakiliga tayanib, The Guardian xabar berdi.


Ta’kidlanishicha, Varadkar mart oyida amaliyot o‘tash huquqiga ega tibbiyot xodimlarining rasmiy ro‘yxati — tibbiyot reyestriga kiritilgan. “U o‘z sohasiga kiradigan yo‘nalish bo‘yicha haftasiga bir marta HSE’da ishlash taklifini bildirgan”, — deydi gazeta suhbatdoshi.

Varadkar siyosat bilan shug‘ullanguniga qadar yetti yil shifokor bo‘lib ishlagan. 2010-yilda u umumiy amaliyot bo‘yicha diplom olgan. Oradan uch yil o‘tgach, Varadkar tibbiyot reyestridan chiqqan edi.

Irish Times nashrining ma’lumotlarga ko‘ra, bosh vazir haftasiga bir marta telefon orqali dastlabki tekshiruvlarni o‘tkazadi. Ta’kidlanishicha, Varadkarning otasi shifokor, onasi — hamshira, ikki singlisi ham tibbiyot sohasida ishlaydi.

So‘nggi ma’lumotlarga ko‘ra, Irlandiyada COVID-19 koronavirusi bilan kasallanganlar soni 4994 kishiga yetgan, 158 kishi vafot etgan

Manba Daryo.uz

Добавить комментарий

Кликните на изображение чтобы обновить код, если он неразборчив