Rossiyalik erkak derazasining tagida shovqin ko‘targan 5 kishini otib tashladi 340 Просм.

Rossiyalik erkak derazasining tagida shovqin ko‘targan 5 kishini otib tashladi


Ryazan viloyatining Yelatma posyolkasida yashovchi erkak derazasi ostida shovqin ko‘targan besh kishini otib tashladi, deb xabar beradi “RIA Novosti”.


Tergov taxminiga ko‘ra, 32 yoshli erkak ko‘chada, derazasining tagida baland ovozda gaplashayotgan yoshlarni tinchlik saqlashga chaqirgan. Yuzaga kelgan dahanaki jang oqibatida erkak ov miltig‘i bilan podyezdga chiqib, yigitlarga qarata o‘q uza boshlagan.

Ryazan viloyati IIV Bosh boshqarmasining ma’lum qilishicha, qurol gumonlanuvchining kvartirasidan topilgan. Uning o‘zi esa jinoyat sodir etilgan joy yaqinida qo‘lga olingan. Erkakka nisbatan Rossiya Jinoyat kodeksining “Ikki yoki undan ortiq kishini o‘ldirish” moddasi bilan jinoyat ishi qo‘zg‘atilgan.

Dastlabki ma’lumotlarga ko‘ra, uch kishi podyezdda o‘ldirilgan. Ta’kidlanishicha, mergan o‘z qurbonlaridan birining boshidan otgan. Yana ikki erkak ko‘chada otib o‘ldirilgan. Halok bo‘lganlarning yoshi 22—31 oralig‘ida bo‘lgan.

Ayrim ma’lumotlarga ko‘ra, qotil mahalliy psixonevrologik dispanserda ishlagan. “Interfaks”ning yozishicha, qotilning o‘zi ham psixiatr ro‘yxatida turgan.

Добавить комментарий

Кликните на изображение чтобы обновить код, если он неразборчив