Rossiya AQShga sanksiyaga uchragan korxonaning tibbiyot texnikasini sotdi 178 Просм.

Rossiya AQShga sanksiyaga uchragan korxonaning tibbiyot texnikasini sotdi


Rossiya tomonidan AQShga koronavirusga qarshi kurashish uchun yuborilgan ijtimoiy yordam yuklari ichidagi tibbiyot buyumlarining bir qismi Amerika sanksiyalariga uchragan kompaniya tomonidan ishlab chiqarilgan. Bu haqda “RBK” xabar bergan.


Ruptly tomonidan tarqatilgan foto va videomateriallarda “Aventa M” nafas yo‘llariga sun’iy havo yetkazib beruvchi apparat qurilmalari borligi ma’lum bo‘lgan. Ular Ural ashyolar zavodida ishlab chiqariladi, zavod “Radioelektron texnologiyalar” konserniga qarashli.

Konsern 2014-yildan beri AQSh sanksiyalari ro‘yxatida turibdi. Sanksiyalar Rossiyaning Qrimni qo‘shib olganidan keyin qo‘llanilgan.

Konsern vakillari tibbiyot qurilmalarini Rossiya hukumatiga taqdim qilayotgani va davlatlararo munosabatlarda ijtimoiy yordam ko‘rsatish prezident va hukumat vakolatidagi chora-tadbirlar ekanini qayd etgan.

Rossiyaning tibbiyot texnikasi ortilgan harbiy samolyoti 1-aprel, chorshanba kuni, AQShga jo‘natilgan. Rossiya prezidenti matbuot kotibi Dmitriy Peskov bu ijtimoiy yordam tarzidagi jo‘natma ekanini qayd etgan.

Keyinchalik AQSh tibbiyot buyumlari uchun Rossiyaga pul to‘laganligi ma’lum bo‘ldi. Yuk narxining yarmini Rossiya to‘g‘ridan to‘g‘ri investitsiyalar fondi to‘lagan, ushbu jamg‘arma ham Amerikaning nisbatan kuchsizroq sanksiyalariga uchragan. AQShda ushbu fond jo‘natgan mahsulotlar taqiqqa uchragan, deb yozgan “RBK”

Manba: daryo.uz

Добавить комментарий

Кликните на изображение чтобы обновить код, если он неразборчив