Bezgakka qarshi dorining koronavirusni davolashi rostmi? 481 Просм.

Bezgakka qarshi dorining koronavirusni davolashi rostmi?


Ayni daqiqalarda AOKA shtabida Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Atabekov ishtirokida brifing o‘tkazilmoqda.

Brifingda fuqarolar, ijtimoiy tarmoq foydalanuvchilari tomonidan ko‘tarilgan muhim savol va murojaatlar yuzasidan javob qaytarildi.

〰️〰️〰️〰️〰️

❓Faqat Toshkentdagi Virusologiya ilmiy tekshirish institutidagi bemorlar haqidagi ma’lumotlar bilan cheklanib qolmay, balki viloyatlarda koronavirus infeksiyasidan davolanyotgan bemorlar va ularning ahvoli haqida ham ko‘proq axborot bersangiz?

❗️Ko‘tarilgan masala to‘g‘ri. Ahamiyat bergan bo‘lsangiz, biz taqdim etayotgan xabarlarda dastlab Virusologiya ilmiy tekshirish instituti, keyinchalik Epidemiologiya, mikrobiologiya va yuqumli kasalliklar ilmiy tadqiqot instituti klinikalarida davolanayotgan bemorlar haqida ma’lumotlar berib borayapmiz. Har safar axborot berishdan avval viloyatlar yuqumli kasalliklar shifoxonalaridagi ma’lumotlar, bemorlarning ahvoli SO‘RAB-SURISHTIRILADI. Albatta jiddiy o‘zgarishlar va keng ommaga yetkazilishi shart bo‘lgan ma’lumotlar paydo bo‘lgan bo‘lsa, bu haqda albatta ma’lumot beriladi.

〰️〰️〰️〰️〰️

❓Ko‘p xonadonli uylarning pod’ezdini kim dezinfeksiyalashi kerak, shirkatlarmi yoki boshqa tashkilotlar? Maxallamizda bizlarni pod’ezdlarni tozalashga majburlashyapti. Shu to‘g‘rimi?
 
❗️Dezinfeksiya profilaktikasi xo‘jalik hisobidagi dezinfeksiya stansiyalari kuchlari va uy-joy mulkdorlari shirkati o‘rtasidagi SHARTNOMA ORQALI qilinadi. Bu savolingiz Uy-joy, kommunal xizmat ko‘rsatish vazirligiga yo‘naltirilsa, to‘g‘ri bo‘lardi.

〰️〰️〰️〰️〰️

❓Koronavirusni davolashda bezgakka qarshi preparat sinab ko‘rilgani va samarasi ijobiy natija bergani haqida ijtimoiy tarmoqlarda xabarlar tarqalyapti. Bu qanchalik rost?

❗️Ha, bu rost va TO‘G‘RI MA’LUMOT. Koronavirusni davolashda bezgakka qarshi ishlatiladigan dorilardan foydalanish SAMARA BERMOQDA. O‘zbekiston hududida ham aynan mana shu davolash tartibi qo‘llanilmoqda.

Mamlakatimizda bemorlarni davolash jarayonida Jahon sog‘liqni saqlash tashkiloti tavsiyalariga, bayonnomalariga, bu borada orttirilgan xalqaro tajribaga, respublikada qo‘llanilib, ijobiy natijalar bergan davolash usullariga, har bir sohaning tajribali mutaxassislari fikriga tayanib ish tutiladi. Shu paytga qadar 30 nafar bemorning sog‘ayib shifoxonadan chiqib ketganligi esa, samarani ko‘rsatib turibdi.

〰️〰️〰️〰️〰️

❓Ko‘p xonadonli uy shirkati vakili xonadonlardan pod’ezdlar dezinfeksiyasi uchun PUL YIG‘ISHI qonuniymi?

❗️Yo‘q, uy shirkati vakilining bu harakatlari NOQONUNIY! Dezinfeksiya profilaktikasi ishlari TSJ (uy-joy  mulkdorlari shirkati) tomonidan moliyalashtiriladi.

〰️〰️〰️〰️〰️

❓Shifokorlarni rag‘batlantish haqidagi Qarorga nega sanitariya-epidemiologiya nazorati xodimlari kiritilmagan? Axir ular ham birinchi bo‘lib virus chiqqan joyga borishadi, odamlarning testdan o‘tishini tashkilashtiradi va h.k?

❗️2020 yil 19 martdagi Prezident farmoniga asosan koronavirus infeksiyasini bartaraf etish bo‘yicha jalb etilgan tibbiyot xodimlari bilan bir qatorda sanitariya-epidemiologiya xizmati xodimlarini ham rag‘batlantirish ko‘rsatilgan.

Hozirda "Koronavirus infeksiyasi tarqalishiga qarshi kurashish tadbirlariga jalb qilingan tibbiyot, sanitariya-epidemiologiya xizmati va boshqa xodimlarni qo‘shimcha moddiy rag‘batlantirish tartibi to‘g‘risidagi vaqtinchalik nizomni tasdiqlash haqida" Vazirlar Mahkamasi qarori loyihasiga bu borada tegishli takliflar berilgan.

Manba Aniq.uz

Добавить комментарий

Кликните на изображение чтобы обновить код, если он неразборчив