Nonushta muhim tanovvul vaqtlaridan biri bo’lib, kun bo’yi qanday kayfiyatda yurishingiz ko’pincha unga bog’liq bo’lib qoladi. Shu sabab ham sizlarga tayyorlash jarayoni 20 daqiqadan ham kam vaqtni oluvchi «Grekcha salat» deb ataluvchi quymoqdan tayyorlashni tavsiya qilamiz, uglevod miqdori kam, oqsilga esa juda ham boy taomdir.
1 kishilik taomning taxminaviy ozuqaviy qiymati: 374 kKal bo’lib, oqsillar — 24 gr, yog’lar — 28 gr, uglevodlar — 5 gr ni tashkil etadi.
Gaz duxovkasini 180 C darajaga yoqib qo'yamiz.
Piyozni yupqa parrak qilib to'g'rab olamiz. Pomidorni ham parrak qilib to'g'raymiz.
Agarda siz "cherry" pomidoridan ishlatsangiz, unda uni o'rtasidan teng ikkiga bo'ling.
Tuxumlarni chaqib idishga solamiz, tuz va murch sepib, sanchiqda ko'pirtirib olamiz.
Mayda to'g'ralgan petrushkani solib, aralashtirib olamiz.
Tovaga yog'ni solib qizdiramiz. Ustidan piyozni solib qizargunicha, taxminan 4 daqiqa qovuramiz, so'ng ustidan pomidor va zaytun mevalarini solib, yumshaguniga qadar qovurib pishiramiz.
Ustidan tuxumli aralashmani quyamiz va 2 daqiqacha pishirib olamiz. So'ng feta pishlog'ini bo'laklarga bo'lib, ustidan solamiz va gaz pechiga yo'llaymiz.q
Quymoqni gaz pechida 5-6 daqiqa davomida pishirib olamiz.
Ahamiyat bering, tovangiz gaz pechida pishirishga mo'ljallangan bo'lishi, qo'li yog'ochdan yoki plasmassadan qilinmagan bo'lishi lozim. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a'zo bo'ling.
Рекомендуем к просмотру:
