Milliy meksika salati bir qaraganda oddiydek ko’rinadi. Lekin unga solinadigan zaytun yog’i va limon sharbati uning ta’mini umuman o’zgartirib yuboradi.
Meksikada bu salat emas, balki qayla hisoblanib, deyarli barcha taomlar bilan birga tortiladi.
Salatni sovutgichda bir necha kungacha saqlash mumkin, ammo pomidor sharbatini ajratib chiqarishi sabab ham, uni iloji boricha tezroq iste’mol qilishni tavsiya qilamiz.
Tayyorlaniladigan yegulikka taxminan 5 000 so’m pul sarflaniladi.*
*narxi manba chop etilgan vaqtgagina amal qiladi.
Masalliqlar:
| 500 gramm pomidor | |
| 1 dona qizil bulg’or qalampiri | |
| 1 dona achchiq qalampir | |
| 1 bosh piyoz | |
| 2-3 ta sarimsoqpiyoz tishchasi | |
| yarim bog’ kashnich | |
| ta’bga qarab tuz va murch | |
| ta’bga qarab zaytun moyi | |
| yarimta limon sharbati |
Pomidorlarning ustidan qaynoq suv quyamiz, po’stidan ajratamiz va teng ikkiga bo’lamiz. Urug’chalaridan tozalab, mayda to’rtburchak qilib to’g’raymiz.
Achchiq qalampirni ham ikkiga bo’lamiz, urug’chalarini olib tashlaymiz va mayda qilib to’g’rab, katta idishga solamiz.
Piyoz, bulg’or qalampiri va ko’katlarni ham mayda to’g’rab olamiz va idishga solamiz.
Hammasini katta idishga solib tuz va murch sepamiz, zaytun moyi va limon sharbatini quyib aralashtiramiz. Tayyor salatni dasturxonga tortib, iste’mol qilamiz. Yoqimli ishtaha!
Yangidan yangi retseptlarni bizdan kutib qoling va bizning telegram kanalimizga albatta a’zo bo’ling.
Рекомендуем к просмотру:
