Jennifer Eniston yoshligida restoranda ofisiantbo`lib ishlagani, bu ishning qanchalik og`irligini tushungani bois restoranda choychaqa qoldirishni kanda qilmaydi, deb xabar beradi Segodnya nashri.

Sandra Ballok ham yoshligida ofisiant bo`lib ishlagani tufayli saxiylikda Enistondan qolishmaydi.

Sharliz Teron o`g`li Jekson bilan Los-Anjelesda aylanib yurganida o`g`liga mevali yogurt olib bermoqchi bo`ldi, biroq hamyoni uyda qolganligini ko`rib, kayfiyati tushdi. Sharlizni tanib qolgan sotuvchi pulini keyin olish sharti bilan mevali yogurtni unga taqdim etdi. Oradan bir soat o`tar-o`tmas uyidan pul olib kelgan Sharliz sotuvchiga 3,75 dollarning o`rniga 100 dollar pulni sovg`a qildi.

Jonni Depning qo`li ochiqligi ham odamni hayratga soladi. U yiliga restoranlarda 4 ming dollar atrofida choychaqa qoldiradi.

Bu borada repper Jey Zi rekord o`rnatib, o`ziga xizmat qilgan restoran xizmatchilariga 50 ming dollar choychaqa qoldirdi.

Teleboshlovchi Ellen Dedjeneres iqtisodiy ahvolidan noligan ofisiant qizning gaplarini eshitib qolib, unga 10 ming dollarlik chek va yangi avtomobil sovg`a qildi.

Yuqoridaga ma`lumotlarni o`qib, barcha yulduzlar shunday qo`li ochiq, saxiy insonlar ekan, deb o`ylamang. Xonanda Britni Spirs yaxshigina pul topishiga qaramay, hech qachon ofisiantlarga choychaqa qoldirmaydi.

Madonna to`lashi kerak bo`lgan miqdorning 5 % hisobida choychaqa qoldiradi, xolos.

Xonanda Merayya Keri do`stlari bilan restoran yopilgandan keyin ham maishat qilsa-da, ish vaqtidan tashqari qilingan xizmat uchun bir sent ham bermaydi.

Xasis yulduzlar xit-paradida mashhur golfchi Tayger Vuds etakchilik qiladi. Bir kuni u Las-Vegasda bergan choychaqasini qaytarib olishdan uyalmay, ortiga qaytdi. Tayger Vuds ofisantning oldiga kelib, adashib ikki marta haq to`laganini aytgan va bergan pulini qaytarib olgan.